एजेन्सी । इजरायलले सीरियामा जारी द्वन्द्वमा ड्रुज समुदायको रक्षाका लागि भन्दै आक्रमण गरिएको दाबी गरेको छ।
इजरायली प्रधानमन्त्री बेन्जामिन नेतन्याहूले जातीय हिंसा जारी रहेको र त्यसमा ‘ड्रुज समुदायका दाजुभाइको जीवन रक्षाका’ लागि आफूहरुले कारबाही गर्नुपरेको दाबी गरेका हुन्।
इजरायली सेनाले हिजो सिरियाको राजधानी दमास्कसस्थित रक्षा मन्त्रालय र दक्षिणी क्षेत्र सुवेइदामा सरकारी सेनामाथि हवाई आक्रमण गरेको थियो।
त्यहाँ चार दिनदेखि जारी भएको जातीय हिंसामा ३ सय भन्दा बढी मानिसको मृत्यु भइसकेको सिरियाली मानवअधिकार अनुगमन संस्थाले जनाएको छ।