Jun 23 2026 | २०८३, आषाढ ९ गते
23 Jun 2026 | मंगलवार, आषाढ ९ गते २०८३
मंगलवार, आषाढ ९ गते २०८३
Jun 23 2026 | २०८३, आषाढ ९ गते
23 Jun 2026 | मंगलवार, आषाढ ९ गते २०८३
शनिवार , श्रावण १०, २०८२
हेटौंडा । बागमती प्रदेशका मुख्यमन्त्री बहादुर सिंह लामाविरुद्ध कांग्रेसकै इन्द्रबहादुर बानियाँ समूहले दर्ता गराएको अविश्वास प्रस्तावमा हस्ताक्षर गरेकी प्रदेशसभा सदस्य माया श्रेष्ठ अचानक सम्पर्कविहीन भएकी छिन् ।
शुक्रबार संसदीय दलको कार्यालयमै उपस्थित भई अविश्वास प्रस्तावमा औपचारिक रूपमा हस्ताक्षर गरेकी श्रेष्ठ त्यसपछि देखिनै पार्टी र दलका नेताहरूसँग सम्पर्कविहीन छिन् । श्रेष्ठ हस्ताक्षरकर्तामध्ये ८ औं नम्बरमा सूचीबद्ध छिन् ।
श्रेष्ठको सम्पर्कविहीन अवस्थाले बानियाँ समूहमा तनाव चुलिएको छ । मुख्यमन्त्री लामाले उनलाई मन्त्री पदको प्रलोभन देखाउँदै फिर्ता बोलाएको शंका गरिएको छ ।
२०७९ साल पुस १३ गतेको संसदीय दलको नेताको निर्वाचनमा श्रेष्ठले खुला रूपमा लामालाई समर्थन गरेकी थिइन् । उनी कांग्रेसका वरिष्ठ नेता प्रकाशशरण महत निकट मानिन्छिन् ।
सांसद श्रेष्ठले अविश्वास प्रस्ताव दर्ता गर्ने पक्षलाई साथ दिइरहिन् भने बानियाँ समूहको सांसद संख्या २१ पुग्छ । तर उनी लामाको पक्षमा फर्किए अविश्वास प्रस्तावमा समर्थन गर्ने सांसदको संख्या २० मा झर्नेछ । कांग्रेसको कुल ३७ सांसदमध्ये बहुमतको लागि १९ सांसदको समर्थन आवश्यक पर्छ।
© 2026 All right reserved to onlinenepal.com
Design & Developed By
