काठमाडौं । खोटाङकी १२ वर्षीया प्रतिभाशाली गायिका शुवास्ना खड्का केसी (सुबु)ले 'द भोइस किड्स नेपाल सिजन-५' मा उत्कृष्ट प्रस्तुति दिँदै कोच वाङ्देन शेर्पाको कुर्सी घुमाउन सफल भएकी छन् ।
आफ्नो आकर्षक गायन मार्फत सुबुले दर्शक तथा श्रोताहरूको मन जितेकी छन्।
उनको प्रस्तुतिको भिडियो अहिले सामाजिक सञ्जालमा तीव्र रूपमा भाइरल भइरहेको छ भने धेरैले उनको प्रतिभाको खुलेर प्रशंसा गरेका छन्।
सुबुको सफलताले खोटाङसहित देशभरका संगीतप्रेमीहरूलाई मोहित बनाएको सामाजिक सञ्जालमा देखिएका प्रतिक्रिया र शुभकामनाबाट स्पष्ट हुन्छ।