काठमाडौं । देशभर पछिल्लो एक सातामा १० जनामा कोभिड संक्रमण पुष्टि भएको छ ।
स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखा (इडिसिडी) को तथ्यांक अनुसार सबैभन्दा धेरै बागमती प्रदेशमा ७ जनामा संक्रमण देखिएको छ भने कोशी, कर्णाली र सुदूरपश्चिम प्रदेशमा एक एक जनामा कोभिड सङ्क्रमण देखिएको छ ।
योसंगै नेपालभर कोभिड संक्रमितको सङ्ख्या ४ सय २१ पुगेको हो ।
नेपालमा कोभिडका कारण सन २०२५ यता ३ जनाको मृत्यु भएको इपिडिमियोलोजी तथा रोग नियन्त्रण महाशाखाको तथ्यांकले देखाएको छ ।