काभ्रेपलाञ्चोक । नख्खु कारागारबाट भागेका कैदीले श्रीमतीको हत्या गरेका छन्।
काभ्रेको पनौती नगरपालिका - १२ गागलका वर्ष ३५ का सन्तबहादुर तामाङले आफ्नै श्रीमती ३० वर्षीया मनिषा घ्यावा तामाङको हत्या गरेका हुन् ।
जवरजस्ती करणीमा जेल परेका सन्तबहादुर जेनजी आन्दोलनका क्रममा नख्खु कारागारबाट भागेका थिए । हत्यापछि सन्तबहादुर फरार छन् ।
इलाका प्रहरी कार्यालय बनेपाको टोली घटनास्थलमा पुग्दै गरेको र घटनाबारे थप विवरण आउन बाँकी रहेको जिल्ला प्रहरी कार्यालयले जनाएको छ ।
सन्तबहादुर यसअघि बलात्कारको आरोपमा ४ वर्षदेखि नक्खू कारागारमा थिए। तर भदौ २४ गते जेल तोडेर रास्वपाका सभापति रवि लामिछानेसँगै फरार भएका थिए। लामिछाने फेरि जेल फर्किए पनि आधाभन्दा बढी कैदीबन्दै अझै बाहिरै छन्।