Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
सोमवार , आश्विन २०, २०८२
काठमाडौं । जेनजी प्रदर्शनका क्रममा सुरक्षाकर्मीलाई हप्कीदप्की गर्ने एक युवाले आफ्नै आमाको हत्या गरेका छन् ।
धादिङको त्रिपुरासुन्दरी गाउँपालिका-५ थापाकटेरीका ३० वर्षीय यमबहादुर कँडेलले ५५ वर्षीया आमा राममाया कँडेलको घाँटी रेटेर हत्या गरेका हुन् ।
५५ वर्षीया आमा रमामायाको हत्या गरेको उनीमाथि आरोप छ । गए राति धारिलो हतियार प्रहार गरी यमबहादुरले आमाको हत्या गरेका जिल्ला प्रहरी कार्यालय धादिङका प्रमुख एवं एसपी भेषराज रिजालले जानकारी दिए ।
घटनालगत्तै खटिएको प्रहरी टोलीले यमबहादुरलाई धारिलो हतियारसहित नियन्त्रणमा लिएको उनले बताए ।
मादक पदार्थ र लागु औषध सेवन गरेका कँडेलले बुवालाई समेत कुटपिट गरेको वडा नम्बर–५ का वडाध्यक्ष कुशबहादुर सिटौलाले बताए ।
पोस्टमार्टमका लागि शव धादिङ अस्पतालमा ल्याइएको छ भने घटनाबारे विस्तृत अनुसन्धान भइरहेको प्रहरीले जनाएको छ।
गाउँलेहरुसँगै झैझगडा गर्दै हिँड्ने कँडेलविरुद्ध यसअघि पनि ज्यान मुद्दा चलिसकेको थियो । गत भदौ २३ को जेनजी प्रदर्शन र २४ गतेको विध्वंसमा उनले संसद भवनअगाडि ड्युटीमा खटिएका सशस्त्र प्रहरीलाई दुर्व्यवहार गरेका थिए ।
© 2026 All right reserved to onlinenepal.com
Design & Developed By
