काठमाडौँ । पछिल्लो मनसुनजन्य विपद्मा परेर कम्तीमा ५५ जनाको मृत्यु भएको छ ।
सशस्त्र प्रहरीका अनुसार पहिरोमा परेर सबैभन्दा बढी मृत्यु इलाममा भएको छ ।
इलाममा पहिरोमा परेर दुई दिनमा ३८ जनाको मृत्यु भएको छ भने १ जना बेपत्ता छन् ।
बाढीपहिरोमा परी रौतहट र उदयपुरमा ३-३, पाँचथर, काभ्रे र खोटाङमा २–२ जनाको मृत्यु भएको सशस्त्र प्रहरीले जनाएको छ ।
त्यस्तै सिन्धुपाल्चोक, मोरङ, सुनसरी, महोत्तरी र सिन्धुली १-१ जनाको मृत्यु भएको छ । पाँचथरमा शनिबार भएको जिप दुर्घटनामा परी ज्यान गुमाएका ६ जनासमेत गरी ६१ जनाको मृत्यु भएको छ ।