'मोन्था' चक्रवात : सुन्दरहरैँचामा २५२.४ मिलिमिटर वर्षा

अनलाइन नेपाल

शनिवार , कार्तिक १५, २०८२

'मोन्था' चक्रवात : सुन्दरहरैँचामा २५२.४ मिलिमिटर वर्षा

काठमाडौं । 'मोन्था' चक्रवातका कारण भएको बदलीपछि शुक्रबार सबैभन्दा बढी मोरङको सुन्दरहरैँचामा २५२.४ मिलिमिटर वर्षा भएको छ।

जल तथा मौसम विज्ञान विभागका अनुसार यो अति धेरै भारी वर्षा भएको हो । वर्षा जारी रहेकाले पूर्वमा आवश्यक सावधानी अपनाउन अनुरोध गरिएको छ ।

यस्तै पछिल्लो २४ घण्टामा झापामा १७५ मिलिमिटर वर्षा भएको छ भने इलाममा पनि १५८ मिलिमिटर वर्षा भएको छ।

शुक्रबार राति पौने ११ बजेसम्मको मौसम विज्ञान विभागको रेकर्डअनुसार गोरखा जिल्लामा पनि १९० मिलिमिटर वर्षा भएको छ।

सप्तरीमा १५६, उदयपुरमा १०२, मनाङमा ११५, सुनसरीमा ८२, नुवाकोटमा ८९, लमजुङमा ८२ मिलिमिटर वर्षा भएको छ। राति भने पूर्वको कोशी प्रदेश र थोरै मधेस प्रदेश केन्द्रित वर्षा हुने विभागले जनाएको छ।

यस्तै बागमती र गण्डकी प्रदेशका केही क्षेत्रमा पनि वर्षा हुने अनुमान छ । रातिदेखि नै बिस्तारै बदलीमा सुधार हुँदै जाने विभागले जनाएको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

'मोन्था' चक्रवात : सुन्दरहरैँचामा २५२.४ मिलिमिटर वर्षा