मधेसको राजनीतिक आन्दोलनमा भारतको प्रत्यक्ष संलग्नता छ : मुख्यमन्त्री यादव

अनलाइन नेपाल

शनिवार , कार्तिक २९, २०८२

मधेसको राजनीतिक आन्दोलनमा भारतको प्रत्यक्ष संलग्नता छ : मुख्यमन्त्री यादव

जनकपुरधाम । मधेस प्रदेशका नवनियुक्त मुख्यमन्त्री सरोजकुमार यादवले प्रदेशमा तीव्र बन्दै गएको राजनीतिक आन्दोलनमा भारतको प्रत्यक्ष भूमिका रहेको आरोप लगाएका छन् ।

शनिबार जनकपुरमा मधेसवासीलाई सम्बोधन गर्दै उनले वीरगञ्जस्थित भारतीय काउन्सिलर कार्यालयका प्रतिनिधिहरू दलसँग प्रत्यक्ष सम्पर्कमा रही ‘आन्दोलन उक्साउने’ गतिविधिमा संलग्न रहेको दाबी गरेका हुन् ।

मुख्यमन्त्री यादवका अनुसार, भारतीय प्रतिनिधिहरूले मधेसका दलहरूलाई फुटाउने र जोड्ने किसिमका धम्कीपूर्ण गतिविधि गर्दै आएका छन् ।

यादवले भने, 'काउन्सिलर अफिसका प्रतिनिधिहरू सिधै आएर दल फुटाइदिन्छु, जुटाइदिन्छु भनी धम्की दिइरहेका छन्, जसले सहमति बनाउने र भंग हुने चक्रलाई थप तीव्र बनाइरहेको छ।'

उनका अनुसार यस्ता हस्तक्षेपले प्रदेशको राजनीतिक वातावरण अस्थिर हुँदै गएको छ र आन्दोलनको दिशा नै बाह्य प्रभावले प्रभावित बनाइएको छ।

मुख्यमन्त्री यादवले आफू आन्दोलनकारी समूहको प्रत्यक्ष लक्षित बन्न थालेको दाबी गर्दै सुरक्षा अवस्था कमजोर बन्दै गएको बताए।

नेपाल प्रहरी, सशस्त्र प्रहरी र नेपाली सेनाको सुरक्षा व्यवस्था रहे पनि सुरक्षा निकायले आफूलाई सीमित कार्यक्रम मात्र गर्न सल्लाह दिनुपर्ने अवस्था आएको उनले खुलासा गरे।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

मधेसको राजनीतिक आन्दोलनमा भारतको प्रत्यक्ष संलग्नता छ : मुख्यमन्त्री यादव