काठमाडौं । सुशासन कायम गर्न र भ्रष्टाचार नियन्त्रणका लागि स्थापित अख्तियार दुरुपयोग अनुसन्धान आयोगका पूर्व आयुक्तले नै कीर्ते गरी १० रोपनी जग्गा हडपेर त्यही जग्गामा घर बनाएर बसेको समाचार अनलाइन नेपालले प्रकाशित गरिसकेको छ ।

साविक बुद्धिराज भट्टराईको नाममा दर्ता बाँकी रहेको काठमाडौं जिल्ला का.म.न.पा.३४, भीमसेनगोलास्थित १० रोपनी जग्गा अख्तियारका पूर्वआयुक्त शिवाकोटी, तत्कालीन का.म.न.पा. ३४ वडाका अध्यक्ष भोलाप्रसाद लामिछाने, नापी कार्यालय डिल्लीबजार र पशुपति तहविल गुठीका तत्कालीन प्रमुखसमेतको मिलोमतोमा कीर्ते कागजात बनाएर हडपेका हुन् ।

[caption id="attachment_381655" align="alignnone" width="858"] पशुपतिनाथ गुठीले कीर्ते मोही बनाएको प्रमाण[/caption]

बेदप्रसाद शिवाकोटीले अख्तियारमा हुँदा शक्तिको दुरुपयोग गरी उक्त जग्गा हडपेका एकपछि अर्को तथ्य अनलाइन नेपालले फेलापारेको छ ।
गुठीमा कसरी गरियो कीर्ते ?
काठमाडौं जिल्ला, का.म.न.पा–३४ स्थित भीमसेनगोला, नापीको समयमा नापनक्सा हुँदा भीमसेनागोला–२ (घ) कित्ता नं. ७, ऐ वडा नं. १ (ख) कित्ता नंं. ४२, ऐ कित्ता नं. ३७, ३८ र ५८ लगायतका ५ कित्ता करिब १० रोपनी जग्गा बुद्धिराज भट्टराईको हो भन्ने कुरा मालपोत कार्यालयको मोठ श्रेस्तामा दर्ता बाँकी रहेको मोठ श्रेस्ताले देखाएको हुँदा मालपोत कार्यालय डिल्लीबजारबाट उक्त कित्ता जग्गाको छुट जग्गा दर्ता प्रक्रियामा साबिक जग्गाधनी बुद्धिराज भट्टराईका छोरा बिमलराज भट्टराईले मालपोत कार्यालय डिल्लीबजारमा निवेदन दिई उक्त निवेदनउपर कारबाही हुँदा २०६६ असोज २ गते हकदाबी सम्बन्धी गोरखापत्रमा प्रकाशित सार्वजनिक सूचनाले नै देखाएको छ ।

यसरी साविक नापीको समयमा ब्यक्तिको जग्गा भएको र उक्त जग्गा छुट जग्गा रहेको अवस्था हुँदाहुँदै पैसा र शक्तिको दुरुपयोग गरी काल्पनिक गुठी खडा गरी उक्त गुठीका जोताहा मोही हुँ भनी पशुपति तहविल गुठीका प्रमुखसँग साँठगाँठ गरी उक्त कित्ता जग्गाहरु जग्गाधनीमा पशुपति तहवील गुठी र मोहीमा बेदप्रसाद शिवाकोटीसमेतको नाम कायम गरेको कार्य पूर्णरुपमा कीर्ते गरी कामकारबाही गरेको देखिन्छ ।

[insert page='380701' display='yopanipadhnuhos.php']

गुठी जग्गाको हकमा मोही कायम गर्ने कार्यबिधि अनुसार गर्नुपर्ने कानुनी ब्यवस्था छ । जुन ब्यवस्थामा गुठी जग्गाको हकमा गुठीले पहिला जोताहा मोहीबाट निवेदन लिने गर्दछ । निवेदन लिइसकेपछि गुठीले सार्वजनिक सूचना गोरखापत्रमा प्रकाशित गर्दछ ।

कोहीकसैको दाबी बिरोध नपरेपछि सम्बन्धित निवेदकलाई मोही र पशुपति तहवीललाई जग्गाधनी कायम गर्ने निर्णय गरी त्यो फाइल मालपोत कार्यालयमा पठाउँछ ।

मालपोत कार्यालयले गुठीको निर्णय अनुसार साविक जग्गाको मोठ भिडाई गुठी कार्यालयको निर्णय अनुसार मोही र जग्गाधनी कायम गर्ने निर्णय गरी साविक मोठ श्रेस्ता खारेज गरी निर्णय मिसिलको फोटोकपी आफूसँग राखी सक्कल निर्णय फाइल गुठीमा नै पठाउने कानूनी ब्यवस्था रहेकोमा साविक नापीको श्रेस्ता हालसम्म बुद्धिराज भट्टराईकै नाममा कायम रहेको मालपोत कार्यालयको अभिलेखबाट देखिन्छ ।

यस्तो अवस्थामा मालपोत कार्यालय डिल्लीबजार, पशुपति तवहील गुठी, नापी कार्यालय डिल्लीबजार लगायतका सम्पूर्ण कार्यालयहरुमा ठूलो रकम घुस खाने खुवाउने काम गरी बुद्धिराज भट्टराईको जग्गा हडपेको पुष्टि हुन्छ ।

[caption id="attachment_381656" align="alignnone" width="1000"] मालपोत कार्यालय डिल्लीबजारले बेदप्रसाद शिवाकोटीहरुको दबाबमा जग्गाको मिसिल नभेटिएको भन्दै दिएको जवाफ[/caption]

कीर्ते गरेको पुष्टि भइसकेकाले अख्तियार दुरुपयोग अनुसन्धान आयोग, नेपाल प्रहरीको केन्द्रीय अनुसन्धान ब्यूरो(सीआईबी) लगायतका निकायहरुले गम्भीररुपमा अनुसन्धान गरी सत्यतथ्य कुरा पत्ता लगाएर दोषीहरुमाथि कडा भन्दा कडा कारबाही पीडित जग्गाधनीलाई न्याय दिलाउनुपर्ने दायित्वबाट पन्छिन मिल्दैन ।

सीआईबीमा जग्गा कीर्ते गरेको बारेमा उजुरी परिसकेको र छानविन प्रक्रिया अगाडि बढाइएको सीआईबीका एक अधिकारीले बताए ।

जेनजी बिद्रोहको माग पनि संवैधानिक निकायको पदाधिकारी भएर यसैगरी जग्गा हडप्ने, भ्रष्टाचार गर्नेमाथि कारबाही हुनुपर्ने रहँदैआएको छ । बुद्धिराज भट्टराईका हकवाला छोरा बिमलराज र नाति श्यामराज भट्टराई गलत छन् भने कारबाही गर्नुपर्छ ।

अन्यथा मालपोत कार्यालयका कर्मचारी, गुठीका कर्मचारीदेखि कीर्तेमा संलग्न बेदप्रसाद शिवाकोटी, नापी कार्यालयका पूर्व कर्मचारीदेखि उमादेवी भट्टराईहरुमाथि कारबाही हुनुपर्छ ।