Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
बिहिवार , पौष १७, २०८२
काठमाडौं। वैदेशिक रोजगारीका लागि दक्षिण कोरिया पठाउनुपर्ने माग राख्दै ललितपुर ग्वार्कोस्थित ईपीएस कार्यालयमा प्रदर्शन गरिएको छ ।
दुई वर्षअघि रोजगार अनुमति प्रणाली (ईपीएस) मार्फत भाषा परीक्षा पास गरेर रोस्टरमा रहेका युवाहरुले कोरिया पठाउन ढिलाइ भएको भन्दै कार्यालय अगाडि प्रदर्शन गरेका हुन् ।
दुई महिना अघि श्रम, रोजगार तथा सामाजिक सुरक्षा मन्त्रालय र आन्दोलनरत पक्षबीच सहमति भएको भए पनि दुई महिना बित्दासमेत सरकारले आवश्यक प्रक्रिया अगाडि नबढाएको भन्दै फेरी आन्दोलन सुरु गरेको आन्दोलनमा उत्रिएका एक युवाले बताए ।
उनले कोरीयाको मागभन्दा बढी जनाको आवेदन खुलाएको कारण अवसर नपाएको भन्दै आफूहरूलाई दोधारे समस्यामा पारेको बताए ।
सन् २०२५ का लागि १ लाख ६३ हजार जना परीक्षामा सहभागी भएकोमा १७ हजार ३० जना भाषा परीक्षामा उत्तीर्ण भएका थिए । तीमध्ये अधिकांशको अहिलेसम्म करार सम्झौता समेत नभएका कारण कोरिया जान पाएका छैनन् ।
सन् २०२३ मा पास भएका कृषि र सिपका पासरहरुको फाइल कम्पनीमा एकचोटी पनि नपुगी २ वर्षको रोस्टर अवधि समाप्त हुँदैछ ।
त्यसैले रोष्टरमा रहेका युवाहरुले आफ्नो भविष्यमाथि खेलबाड गरेको भन्दै हिजो पनि अबेर रातीसम्म ग्वार्कोस्थित इपीएस कोरिया शाखा अगाडि प्रदर्शन गरेका थिए ।
उनीहरुले प्रक्रियामा ढिलाइ हुँदा पीडितले भोग्नुपरेको आर्थिकरमानसिक क्षतिको जिम्मेवारी सरकारले लिनुपर्ने लगायत विभिन्न ९ बुँदे माग राखेका छन् ।
© 2026 All right reserved to onlinenepal.com
Design & Developed By
