Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
बुधवार , माघ १४, २०८२
काठमाडौं । अर्थ मन्त्रालयले आगामी फागुन २१ गते हुन लागेको प्रतिनिधि सभा सदस्य निर्वाचनका लागि अहिलेसम्म १९ अर्ब २१ करोड रुपैयाँ निकासा गरेको जनाएको छ ।
अर्थ मन्त्रालयका अनुसार फागुन २१ मा हुन लागेको प्रतिनिधि सभा सदस्य निर्वाचन परिचालनका लागि उक्त रकम निकासा गरिएको हो । निर्वाचन आयोग, रक्षा मन्त्रालय, गृह मन्त्रालय तथा अन्तर्गतका सुरक्षा निकायका लागि अहिलेसम्म १९ अर्ब २१ करोड रुपैयाँ बजेट निकासा गरिएको मन्त्रालयले जनाएको छ ।
निकासा भएको १९ अर्ब २१ करोड रुपैयाँमध्ये गृह मन्त्रालयलाई १० अर्ब ३९, रक्षा मन्त्रालयका लागि १ अर्ब ९९ करोड र निर्वाचन आयोगका लागि ६ अर्ब ७२ करोड रहेको छ ।
आगामी निर्वाचनका लागि निर्वाचन आयोगले करिब २७ अर्ब रुपैयाँ खर्च हुने अनुमान सहित अर्थ मन्त्रालयका प्रस्ताव पेस गरेको थियो । सरकारले भने निर्वाचनका लागि २५ अर्ब रुपैयाँ खर्च हुने अनुमान गरी त्यही अनुसार स्रोत सुनिश्चितता गरिरहेको जनाएको छ ।
निर्वाचनका बेला निर्वाचन व्यवस्थापन गर्ने संवैधानिक निकाय निर्वाचन आयोगको भन्दा शान्ति सुरक्षामा खटिने गृह र रक्षा मन्त्रालय अन्तर्गतका निकायहरूको खर्च बढी हुँदै आएको छ । यो पटक पनि आयोगलाई भन्दा बढी रकम गृह रक्षा मन्त्रालयमा निकासा भइसकेको छ ।
© 2026 All right reserved to onlinenepal.com
Design & Developed By
