Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , फाल्गुण १, २०८२
काठमाडौं । प्रधानमन्त्री सुशीला कार्कीले देशलाई निकास दिन आगामी निर्वाचनको सफलताका लागि सबैको योगदान आवश्यक रहेको बताएकी छन् ।
पूर्वी पहाडी जिल्ला भ्रमणका क्रममा ताप्लेजुङको पाथीभरा मन्दिरमा स्थानीयसँग अन्तरक्रिया गर्दै प्रधानमन्त्री कार्कीले शान्तिपूर्ण र निष्पक्ष निर्वाचन सफल बनाउन सबैको योगदान आवश्यक रहेको बताएकी हुन् ।
उनले निर्वाचन प्रक्रियामा शान्ति, सुरक्षा र जनसहभागितालाई विशेष प्राथमिकता दिनुपर्ने उल्लेख गर्दै राजनीतिक दल, प्रशासन र नागरिक समाजबिच सहकार्य अपरिहार्य रहेको धारणा व्यक्त गरिन् ।
त्यसअघि प्रधानमन्त्री कार्कीले फुङ्लिङमा मुख्य निर्वाचन अधिकृत, प्रमुख जिल्ला अधिकारी तथा सुरक्षा निकायका जिल्ला प्रमुखसँग भेट गरी निर्वाचनको तयारी र सुरक्षा व्यवस्थाबारे छलफल गरेकी थिइन् ।
उनका प्रेस सल्लाहकार रामबहादुर रावलका अनुसार बैठकमा मतदान केन्द्रको व्यवस्थापन, सुरक्षा चुनौती र समन्वयका विषयमा समीक्षा गरिएको थियो ।
भ्रमणकै क्रममा प्रधानमन्त्री कार्कीले पाथीभरा मन्दिरमा दर्शन गरेकी थिइन् ।
बिहीबार प्रतिनिधिसभा निर्वाचनका लागि हिमाली जिल्लाको वस्तुस्थिति बुझ्न प्रधानमन्त्री कार्की हेलिकोप्टरमार्फत प्रमुख स्वकीय सचिव आदर्शकुमार श्रेष्ठ र प्रेस सल्लाहकार रामबहादुर रावलका साथमा सोलुखुम्बु पुगेकी थिइन् ।
जिल्ला समन्वय समिति सोलुखुम्बुका प्रमुख कृष्णप्रसाद निरौला, प्रमुख जिल्ला अधिकारी लीला केसी पाण्डे, मुख्य निर्वाचन अधिकृत चन्द्रकुमार पोखरेल, प्रहरी नायब उपरीक्षक मनोजित कुँवरलगायतले निर्वाचन तयारी र जिल्लाको अवस्थाबारे जानकारी दिएका थिए।
© 2026 All right reserved to onlinenepal.com
Design & Developed By
