शिवरात्रीको दिन पशुपतिनाथ मन्दिर परिसरमा एक युवकको हत्या !

अनलाइन नेपाल

शुक्रवार , फाल्गुण ८, २०८२

शिवरात्रीको दिन पशुपतिनाथ मन्दिर परिसरमा एक युवकको हत्या !

काठमाडौं । शिवरात्रीमा पशुपतिनाथ मन्दिर परिसरमा एक युवकको शंकास्पद मृत्यु भएको छ । शिवरात्रीको भोलिपल्ट एक युवकको शव पशुपतिनाथको मन्दिर परिसरमा भेटिएपछि उनको हत्या भएको आशंका गरिएको छ ।

शव भेटिएपछि प्रहरी वृत्त गौशालाले घटनास्थल मुचुल्का गरेर शवको अनुसन्धान अघि बढाएको जनाएको छ ।

मृतक व्यक्तिको शरीरमा निलडाम र चोट पटक देखिएपछि मृत्यु शंकास्पद भन्दै काठमाडौं उपत्यका अपराध अनुसन्धान कार्यालयको टोलीले पनि अनुसन्धानमा खटिएको छ ।

मृतक व्यक्ति संखुवासभा घर भएका २५ वर्षीय सन्तोष गिरी रहेको खुलेको अपराध अनुसन्धान कार्यालयले जनाएको छ । मृत फेला परेका गिरी पशुपति क्षेत्रमै बस्ने, मागेर खाने गरेको प्रहरीको भनाइ छ ।

शवको प्रकृत हेर्दा हत्याको आशंका गर्दै प्रहरीले पोष्ट मार्टमका लागि त्रिवि शिक्षण अस्पताल महाराजगञ्ज पठाएको थियो । पोस्टमार्टम रिपोर्ट आएपछि थप विषयहरु खुल्ने प्रहरीले बताएको छ ।

प्रहरी स्रोतका अनुसार यो घटनामा एक ‘बाबा’ जोडिएका छन् । शिवरात्रीमा पशुपति आएका एक बाबाको मोबाइल हराएको थियो । उक्त मोबाइल अहिले मृत फेला परेका गिरीले चोरको आरोप बाबाको थियो । सोही कारण बाबामाथि अनुसन्धान भइरहेको प्रहरीले जनाएको छ ।

लामो समय भारतको बनारस बसेका ‘बाबा’ पछिल्लो समय भने नेपालमै बस्थे । प्रहरीका अनुसार राजवंशी थरका उनी नेपाली नागरिक नै हुन् । प्रहरीका अनुसार ती बाबा अहिले भने फरार छन् ।

प्रतिक्रिया दिनुहोस्

नयाँ अपडेट

थप नयाँ अपडेट

शिवरात्रीको दिन पशुपतिनाथ मन्दिर परिसरमा एक युवकको हत्या !