Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
'मतदान लागि अर्को मिति तोकिने'
बिहिवार , फाल्गुण २१, २०८२
दोलखा । दोलखाको तामाकोशी गाउँपालिका–४ स्थित गोल्मेश्वर मावि मतदान स्थलबाट मतपत्र लुटिएको छ ।
मतदान सुरु भएलगत्तै बिहीबार बिहान मतदानस्थलमा खटिएका कर्मचारीलाई हातपात गर्न खोज्दै एउटा समूहले उक्त मतपत्र लुटेको हो ।
प्रतिनिधिसभा सदस्य निर्वाचनको मतदान सुरु भएपछि मतदानस्थलमा खटिएका कर्मचारीमाथि एक समूहले हातपात गर्न खोजेपछि विवाद उत्पन्न भएको थियो।
कर्मचारीलाई नै हातपात गर्न खोजेपछि प्रहरीले १ राउन्ड हवाई फायर समेत गरेको थियो ।
त्यसपछि स्थिति तनावपूर्ण बनेको छ र मतदान अझै सुरु हुन सकेको छैन।
सर्वदलीय बैठकले मतदान पुनः सुरु गर्ने सहमति गरे पनि मतपत्र हराएपछि प्रक्रिया रोकिएको हो।
निर्वाचन आयोगका कर्मचारी र सुरक्षाकर्मीहरूले हराएका मतपत्रलाई मुचुल्का गरेर गणनामा नलिने गरी मतदान सुरु गर्न प्रस्ताव गरेका थिए। तर दलका प्रतिनिधिहरूले त्यसमा सहमति जनाएका छैनन्। विवाद गर्नेहरूमा नेकपा एमाले, नेपाली कांग्रेस र नेपाली कम्युनिस्ट पार्टीका कार्यकर्ता छन् ।
जसमा नेपाली कांग्रेसका वडा सदस्य यज्ञबहादुर श्रेष्ठ, तामाकोशी गाउँपालिकास्थित तरुण दलका अध्यक्ष अनिल श्रेष्ठ र नेकपाका नेता अर्जुन योगीविरुद्ध अब मुद्दा चल्ने भएको छ।
विवाद नमिलेपछि मतदानको अर्को मितिका लागि मतदान अधिकृतले अर्को मिति तोक्ने भएका छन् ।
© 2026 All right reserved to onlinenepal.com
Design & Developed By
