Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , जेठ १३, २०८३
काठमाडौं । राष्ट्रिय मानवअधिकार आयोगले २०८२ भदौ २३ गते भएको जेनजी प्रदर्शनका क्रममा रास्वपाका सांसद तथा पूर्वगृहमन्त्री सुधन गुरुङले भिडको नेतृत्व लिएपछि सुरक्षाकर्मीसँग झडप भएको निष्कर्ष सार्वजनिक गरेको छ ।
आयोगले जेनजी आन्दोलनका क्रममा भएका मानवअधिकार उल्लंघनसम्बन्धी घटनाको छानबिनपछि तयार पारेको प्रतिवेदनमा एभरेष्ट होटलअगाडि ठूलो भिड जम्मा भएपछि गुरुङको सक्रिय भूमिकापछि अवस्था तनावपूर्ण बनेको उल्लेख गरिएको छ ।
प्रतिवेदनअनुसार भदौ २३ गते दिउँसो करिब १२ बजेतिर एभरेष्ट होटलअगाडि २० देखि २५ हजारको संख्यामा प्रदर्शनकारी भेला भएका थिए । सोही क्रममा ‘हामी नेपाल’ संस्थासँग आबद्ध सुधन गुरुङले भिडको नेतृत्व लिएको आयोगले पुष्टि गरेको छ ।
“निज गुरुङले नेतृत्व लिएपछि प्रदर्शनकारीहरू आक्रोशित भई सुरक्षा ब्यारेकेड तोड्दै निषेधित क्षेत्रमा प्रवेश गर्न खोजेका थिए,” आयोगको प्रतिवेदनमा उल्लेख छ । त्यसपछि प्रदर्शनकारी र सुरक्षाकर्मीबीच मुठभेड तथा झडप सुरु भएको र स्थिति क्रमशः हुलदंगामा परिणत भएको आयोगको निष्कर्ष छ ।
आयोगले झडप सुरु भएपछि मात्रै सुरक्षाकर्मीले अश्रुग्यास र पानीको फोहोरा प्रयोग गरेको उल्लेख गरेको छ । प्रतिवेदनले आन्दोलनका क्रममा अत्यधिक बल प्रयोग, सुरक्षा संयन्त्रको कमजोरी तथा आन्दोलनकारी नेतृत्वको भूमिकाबारे पनि गम्भीर प्रश्न उठाएको छ ।
राष्ट्रिय मानवअधिकार आयोगले जेनजी आन्दोलनका क्रममा भएको मानवीय तथा भौतिक क्षतिको विस्तृत अध्ययन गर्दै सयौं सीसीटीभी फुटेज, प्रत्यक्षदर्शी बयान तथा विभिन्न सुरक्षा निकायको विवरण विश्लेषण गरेको जनाएको छ ।
© 2026 All right reserved to onlinenepal.com
Design & Developed By
