Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , जेठ २०, २०८३
काठमाडौं । प्रभु बैंकको कर्जा दुरुपयोग गरेको आरोपमा राम जानकी फाउण्डेसनका अध्यक्ष ओपी भन्ने ओमप्रसाद पाण्डे पक्राउ परेका छन् ।
काठमाडौंको रातोपुल बस्ने इन्स्टिच्यूड अफ एग्रीकल्चर फोरेस्ट एण्ड भेटेनरी साइन्स प्रालिका एकल सञ्चालक समेत रहेका पाण्डे आज छिरेश्वरनाथ नगरपालिका–१ धनुषा, रमदैयास्थित जानकी मेडिकल कलेजबाट पक्राउ परेका हुन् ।
केन्द्रीय अनुसन्धान ब्यूरो(सीआईबी)को टोलीले जानकी मेडिकल कलेजका सञ्चालक पाण्डेलाई पक्राउ गरेको हो ।
धितोको अस्वभाविक रुपमा बढी मूल्यांकन गराई मिलेमतोमा प्रभु बैंकबाट कर्जा लिएको आरोपमा उनी पक्राउ परेका हुन् ।
त्यतिमात्र होइन, पाण्डेले प्रभु बैंकबाट जुन प्रयोजनका लागि कर्जा लिएका थिए, उक्त प्रयोजनमा कर्जा प्रयोग नगरी अन्यत्र प्रयोग गरेको पनि प्रहरी अनुसन्धानमा खुलेको छ ।
प्रभु बैंकमा भएको कर्जा हिनामिना प्रकरणमा सीआईबीले बैंकका उच्चपदस्थ अधिकारीहरूलाई पक्राउ गरी अनुसन्धान तीव्र बनाएसँगै पाण्डे फरार भएका थिए ।
रामजानकी हेल्थ फाउन्डेसनको नाममा प्रभु बैंकबाट लिएको ठूलो परिमाणको कर्जा हाल खराब कर्जामा परिणत भएको बुझिएको छ।
पाण्डेले कर्जा लिन फर्जी कागजात प्रयोग गरेको विषयमा पनि सीआईबीले अनुसन्धान गरिरहेको बुझिएको छ ।
© 2026 All right reserved to onlinenepal.com
Design & Developed By
