Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
शुक्रवार , जेठ २९, २०८३
धनगढी । कैलालीको गोदावरी नगरपालिका क्षेत्रमा शुक्रबार बिहान आएको आकस्मिक बाढीले दुई महिलालाई बगाउँदा एक जनाको मृत्यु भएको छ भने अर्की महिला अझै बेपत्ता रहेकी छन् ।
कैलाली प्रहरीका अनुसार गोदावरी नगरपालिका–४ निवासी ५५ वर्षीया महेश्वरी धमलाको शव गोदावरी नदीस्थित आर्यघाट नजिक फेला परेको हो । बाढीमा बगेकी ४० वर्षीया कल्पना साउदको खोजीकार्य भने जारी रहेको छ ।
जिल्ला प्रहरी कार्यालय कैलालीका प्रवक्ता डीएसपी योगेन्द्र तिमिल्सिनाका अनुसार शुक्रबार बिहान करिब पौने ७ बजे गोदावरीस्थित शिव मन्दिरका पुजारी शक्रानन्द गिरीले नदीमा आएको एक्कासी बाढीले दुई महिलालाई बगाएको सूचना प्रहरीलाई दिएका थिए।
सूचना प्राप्त हुनासाथ अस्थायी प्रहरी पोस्ट गोदावरी र इलाका प्रहरी कार्यालय मालाखेतीबाट प्रहरी टोली घटनास्थलमा खटिएको थियो ।
खोजतलासका क्रममा धमलाको शव फेला परेको हो भने बेपत्ता साउदको खोजीका लागि सुरक्षा निकाय परिचालित छन्।
प्रारम्भिक अनुसन्धानअनुसार दुवै महिला शुक्रबार बिहान करिब ६ बजे जंगलमा च्याउ टिप्न घरबाट निस्किएका थिए। सोही क्रममा गोदावरी नदीमा अचानक आएको बाढीले उनीहरूलाई बगाएको प्रहरीले जनाएको छ।
हाल नदी तथा आसपासका क्षेत्रमा बेपत्ता महिलाको खोजी तीव्र पारिएको छ।
© 2026 All right reserved to onlinenepal.com
Design & Developed By
