युरोपमा गर्मीका कारण १३ सय बढीको मृत्यु

अनलाइन नेपाल

सोमवार , आषाढ १५, २०८३

एजेन्सी । युरोप महाद्वीप यतिबेला इतिहासकै सबैभन्दा भीषण गर्मीको चपेटामा परेको छ । जुन २१ देखि शुरू भएको अत्यधिक गर्मीका कारण युरोपभर हालसम्म १,३०० भन्दा बढी मानिसको मृत्यु भइसकेको छ ।

विश्व स्वास्थ्य संगठनका प्रमुख टेड्रोस अधानोम गेब्रेयससले सामाजिक सञ्जाल एक्समा पोस्ट गर्दै युरोपमा अत्यधिक तापक्रमका कारण १,३०० भन्दा बढी मृत्यु रेकर्ड गरिएको पुष्टि गरेका छन् ।

फ्रान्सको स्वास्थ्य मन्त्रालयका अनुसार फ्रान्समा मात्रै सामान्य औसतभन्दा करिब एक हजार बढी मानिसको मृत्यु भएको छ।

अधिकारीहरूका अनुसार ज्यान गुमाउनेहरूमध्ये ८५ प्रतिशतभन्दा बढी ६५ वर्षमाथिका वृद्धवृद्धा छन् र सबैभन्दा बढी मृत्यु घरभित्रै भएको छ।

समाचार एजेन्सी एएफपीका अनुसार आइतबार युरोपका करिब १९.१ करोड मानिसले ३५ डिग्री सेल्सियस वा सोभन्दा बढी तापक्रमको सामना गर्नुपरेको थियो ।

गर्मीका कारण कतै सडकहरू पग्लिरहेका छन्, कतै विद्यालयहरू बन्द गरिएका छन् भने कतै जङ्गलमा भीषण डढेलो लागेको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

युरोपमा गर्मीका कारण १३ सय बढीको मृत्यु