काठमाडौं । काठमाडौंको कलंकीमा मोटरसाइकल दुर्घटना हुँदा एकजनाको मृत्यु भएको छ ।
सोमबार बिहान काठमाडौं महानगरपालिका-१४ कंलकी पुल नजिक बा ९० प ५३४१ नम्बरको मोटरसाइकल अनियन्त्रित भई उक्त दुर्घटना भएको हो।
मृत्यु हुनेमा मोटरसाइकल चालक कैलाली घर भएका २७ वर्षीय प्रकाश साह रहेका छन् । काठमाडौं प्रहरी परिसरका अनुसार दुर्घटनामा गम्भीर घाइते भएका उनलाई उपचारका लागि राष्ट्रिय ट्रमा सेन्टरमा पुर्याइएको थियो।
दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो ।
यसैगरी मोटरसाइकलको पछाडि सवार कैलाली धनगढी नगरपालिका घर भई नैकाप बस्ने २७ वर्षीया मुस्कान भट्ट घाइते भएकी छन्। उनको अवस्था भने सामान्य रहेको प्रहरीले जनाएको छ।