Jul 01 2026 | २०८३, आषाढ १७ गते
01 Jul 2026 | बुधवार, आषाढ १७ गते २०८३
बुधवार, आषाढ १७ गते २०८३
Jul 01 2026 | २०८३, आषाढ १७ गते
01 Jul 2026 | बुधवार, आषाढ १७ गते २०८३
बुधवार , आषाढ १७, २०८३
काठमाडौं । राष्ट्रियसभा अध्यक्ष नारायणप्रसाद दाहालले सदनमा सांसदले उठाएका प्रश्नको जवाफ समयभित्रै सरकारलाई निर्देशन दिएका छन् ।
राष्ट्रिय सभाको आईतबारको बैठकमा अध्यक्ष दाहालले बैठकको शून्य र विशेष समयमा सांसदहरूले उठाएका विषयमा सम्बन्धित मन्त्रीहरूलाई जवाफ दिन निर्देशन दिएका हुन् ।
'राष्ट्रियसभाको बैठकमा माननीय सदस्यहरूले आकस्मिक समय, शून्य समय, विशेष समय र प्रादेशिक सरोकार समयमा उठाएका विषयको जवाफ सभामा दिन नेपाल सरकारका सबै माननीय मन्त्रीहरूलाई निर्देश गर्दछु,' सरकारलाई रुलिङ गर्दै उनले भनेका छन् ।
राष्ट्रिय सभाका सदस्यहरूले जनसरोकारका विविध विषयमा सरकारको ध्यानाकर्षण गराउँदै आए पनि सम्बन्धित मन्त्रीहरूबाट समयमै जबाफ नआएको भन्दै सभामा आवाज उठ्दै आएको थियो ।
त्यसैलाई ध्यानमा राख्दै अध्यक्ष दाहालले मन्त्रीहरूलाई जवाफदेही बन्न निर्देशन दिएका हुन्।
सांसदहरूले विशेषगरी प्रधानमन्त्री बालेन शाहको विवादित अभिव्यक्तिसहित विभिन्न विषयमा सरकारको जवाफ खोजेका छन् ।
सांसदहरूको निरन्तर ध्यानाकर्षणपछि अध्यक्ष दाहालले सरकारलाई सदनप्रति उत्तरदायी बनाउन यस्तो निर्देशन जारी गरेको बताइएको छ।
© 2026 All right reserved to onlinenepal.com
Design & Developed By
