काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराई असक्षम त बन्दै गएका छन् नै नियुक्ति र सरुवा बढुवामा समेत उनी बद्नाम हुन थालेका छन्।
पशुपति विकास कोषमा एक सदस्यको नियुक्तिका बिषयमा मन्त्री भट्टराई र सचिवबीचको खटपट बाहिर आएको छ।
मन्त्री योगेश भट्टराईले असार १४ मा नेपाल वायुसेवा निगमको बोर्ड सदस्यमा प्रकाश पौडेल र फुर्वाग्याल्जेन शेर्पालाई नियुक्ति गरेका थिए ।सचिव केदारबहादुर अधिकारीले इलामका नेपाली कांग्रेसका कार्यकर्ता देवी बराललाई कोषको सदस्य नियुक्त गरे । जुन नियुक्तिमा शुरुमा मन्त्री भट्टराईले आँखा चिम्लिए ।
पूर्वगृहसचिव प्रेमकुमार राईको दबाबमा बराललाई सचिव अधिकारीले बोर्ड सदस्य बनाएको खुलेपछि मन्त्री भट्टराईले हाजिर नगराउन निर्देशन दिएको बुझिएको छ । बराललाई कांग्रेस भनेर कामकाज गर्न नदिइए पनि स्वयं मन्त्री भट्टराईले नियुक्त गरेका नेपाल वायुसेवा निगमका सदस्य फुर्वा ग्याल्जेन शेर्पा पनि सोलुको पासाङल्हामु गाउँपालिकाका कांग्रेसका नेता नै हुन् ।
स्थानीय निर्वाचनमा तत्कालीन एमालेबाट गाउँपालिका अध्यक्षमा चुनाव लडेका ङिमदोजी शेर्पालाई हराउन फुर्वाग्याल्जेनले आफ्नो अल्टिच्यूड एयरबाट मतदाता ओसारेको नेकपाका कार्यकर्ताले बिर्सन सकेका छैनन् । शेर्पालाई यति समूहका ल्हाक्पा सोनाम शेर्पाको दबाबमा नियुक्त गरिएको हल्ला पिटाएर उनीसँग मन्त्रीले आर्थिक लाभ लिएको स्रोतको दाबी छ ।
यति समूहले प्रधानमन्त्रीमार्फत् दबाब दिइएको भनी बदनाम बालुवाटारको गराएर पर्यटन मन्त्रालयले उनीसँग ठुलो रकम लिएर नियुक्ति गरेको चर्चा छ । बराललाई कांग्रेस कार्यकर्ता भनेर हाजिर गर्न नदिने पर्यटन मन्त्रालयले फुर्वाको नियुक्ति पनि सच्याउनु पर्ने नेकपाकै कार्यकर्ताहरु वताउँछन्।
Leave a Reply