काठमाडौं । नेपाल प्रहरीको केन्द्रीय प्रवक्ताको जिम्मेवारी प्रहरी वरिष्ठ उपरीक्षक (एसएसपी) कुवेर कडायतलाई दिइएको छ । यसअघिका प्रवक्ता निरजबहादुर शाही एआईजीपीमा बढुवा भएसँगै नयाँ जिम्मेवारी एसएसपी कडायतलाई दिइएको हो ।

शाही बढुवा भएर मानवस्रोत तथा प्रशासन विभागमा गएपछि प्रहरी प्रधान कार्यालयमा नै कार्यरत कडायतलाई प्रवक्ता तोकिएको हो ।

नेपाल प्रहरीको बिभिन्न जानकारी तथा सूचनाको लागि एसएसपी कडायतलाई ९८५१२९२१११ मा सम्पर्क गर्न सकिने प्रहरी प्रधान कार्यालयले जनाएको छ ।