काठमाडाैं । बाँकेमा १५ जना सशस्त्र प्रहरीसहित २० जनालाई कोरोना संक्रमण पुष्टि भएको छ। काेराेना भाइरस संक्रमण पुष्टि हुनेमा अन्य ५ जनामध्ये ग्लोबल आइएमइ बैंकका कर्मचारी पनि भएकाे भेरी अस्पताल, नेपालगञ्जले जनाएकाे छ ।

जानकी गाउँपालिकामा ३० गते ९२ जनाको स्वाव लिइएकाहरुमध्येबाट २० जनामा कोरोना संक्रमण पुष्टि भएकाे बताइएकाे छ । स्थानीय प्रशासनले १७ गतेदेखि जारी गरेको निषेधाज्ञा ३० गते हटाएपनि भीडभाड हुन दिएको छैन ।

सवारी साधनलाई जोर, बिजोर गरी सञ्चालन गरिएको छ। जानकी गाउँपालिकाले आज राती १२ बजेदेखि लागु हुने गरी भदौ ५ गतेसम्म लकडाउन गर्ने निर्णय गरेको छ ।