सुनसरी । सुनसरीमा होटेलमा ल्याएर १६ वर्षीया किशोरीमाथि बलात्कार गर्ने एक जना पक्राउ परेका छन्। धरान उपमहानगरपालिका–१८ को बुद्धचोकस्थित कान्तिपुर होटेलमा १६ वर्षीया किशोरीलाई जबरजस्ती गरेको आरोपमा सुनसरी भोक्राहा नरसिंह गाउँपालिका–४ स्थायी घर भएका हाल सुनसरी जिल्लाको रामधुनी नगरपालिका–७ झुम्का घर भएका ४६ वर्षीय मोहमद इर्साद आलम रहेकोएछन् ।

धरानका डीएसपी ज्ञानेन्द्रबहादुर बस्नेतले आलमले मोरङ घर भएकी १६ वर्षीया किशोरीलाई गत साउन २६ गते ललाइफकाई होटेलमा ल्याइ जबरजस्तीकरणी गरेको भनी पीडितकी आमाले इलाका प्रहरी कार्यालय धरानमा भदौ ७ गते जाहेरी दिएको बताए ।

इलाका प्रहरी कार्यालय पकलीसँग धरान प्रहरीले सहकार्य गरी आलमलाई जबरजस्ती करणी मुद्दामा जिल्ला अदालत सुनसरीबाट म्याद थप गरी अनुसन्धान भइरहेको बस्नेतले बताए ।