काठमाडौँ। महानगरीय अपराध महाशाखाले नक्कली राहदानी (पासपोर्ट) प्रयोग गरेर देश विदेश आवतजावतगर्ने एक ब्यक्तिलाई प्रकाउ गरेको छ।

पक्राउ पर्नेमा सुनसरी जिल्ला दुहवि भलुवा न.पा-४ का ४४ बर्षीय महेन्द्र भण्डारी रहेका छन् ।

महाशाखाको टोलीले आज हिमालयन एयरलायन्सबाट नेपाल आएका भण्डारीलाई आफ्नै नाम र ठेगाना उल्लेख गरी बनाएको ०६०७८२७२ नम्बरको पासपोर्टसहित त्रिभुवन विमानस्थलबाट पक्राउ गरेको हो।

पक्राउ परेका उनले गोरखा जिल्ला धुवाकोट ३ ठेगाना भएका राजु पौडेल नामको पासपोर्ट नं ३३७३२७७ र ०९२८५१९६ को २ वटा पासपोर्टमा आफ्नो फोटो राखेर नक्कली पासपोर्ट बनाई पटक – पटक बिदेश आवतजावत गर्ने गरेको अनुसन्धानमा खुल्न आएको महाशाखाले जनाएको छ।

भण्डारीको साथबाट उक्त नक्कली पासपोर्ट समेत बरामद गरि आबश्‍यक थप कारवाहीका लागी महानगरिय प्रहरी परिसर टेकु पठाईएको महाशाखाले जनाएको छ ।