भक्तपुर । भक्तपुरको गठ्ठाघरमा टिपर र मोटरसाइकल ठोक्किँदा एक जनाको मृत्यु भएको छ । दुर्घटनामा अन्य एक जना घाइते भएका छन् ।

बुधबार राति बा ३ ख ४४६५ नम्बरको टिपर र विपरीत दिशाबाट आइरहेको रा २ प ४४३७ नम्बरको मोटरसाइकल ठोक्किँदा मोटरसाइकलमा सवार कैलालीको धनगढीका ४३ वर्षीय पद्मराज पाठकको ज्यान गएको हो ।

पाठकको उपचारका क्रममा मध्यपुर अस्पताल थिमिमा मृत्यु भएको प्रहरीले जनाएको छ । दुर्घटनामा घाइते मोटरसाइकल चालक दाङका २५ वर्षीय उमेश चौधरीको बाँसबारीस्थित न्युरो अस्पतालमा उपचार भइरहेको छ ।

टिपर चालकलाई प्रहरीले पक्राउ गरेको छ ।