काठमाडौँ । कोरोना संक्रमणका कारण कलाकार एकाराम सिंको निधन भएको छ ।

गत बैशाख ३१ गते कपनस्थित करूणा अस्पतालको आइसियूमा उपचाररत ५३ वर्षीय सिंको सोमबार निधन भएको पारिवारिक स्रोतले जनाएको छ।

२०२५ सालमा जन्मिएका एकाराम सिं बाल साहित्य चित्रांकनमा सुपरिचित नाम हो । सैयौं पुस्तकमा चित्रांकनका साथै सांस्कृतिक लेखन समेत गर्दै आएका सिंका तीन बाल साहित्य कृति प्रकाशित छन् । पछिल्लोपटक ‘मूर्ति बनायो, हात गुमायो’ चित्रकथा प्रकाशित भएको थियो ।

सिंका चित्रकला हालै काठमाडौं महानगरपालिकाले लागू गरेको स्थानीय पाठ्यक्रममा समेत समावेश थिए ।