काठमाडौँ । पछिल्लो समय बंगलादेशमा हिन्दू धर्मावलम्बीहरूमाथि भएको हिंसाको विरोधमा नेपालस्थित बंगलादेशी दूतावास अगाडि प्रदर्शन भएको छ ।

बुधबार नेपाल अन्तर्राष्ट्रिय कृष्ण भावना मृत संघले बंगलादेशमा हिन्दू धर्मावलम्बीहरूमाथि योजनाबद्ध रूपमा साम्प्रदायिक हिंसा भएको भन्दै त्यसको विरोधमा प्रदर्शन गरेको हो ।

प्रदर्शनमा कुनै पनि देशका जनताहरूले आफ्नो धर्म मान्न पाउने अधिकारलाई सरकारले सुरक्षित गरिदिनुपर्ने माग राखिएको थियो।

संघका अध्यक्ष रवि प्रजापतिले आफूहरूले उक्त माग राख्दै राजदूतलाई ज्ञापनपत्र समेत बुझाएको जानकारी दिए।