काठमाडौँ । पछिल्लो २४ घण्टामा थप १८९ जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार ७ हजार ९९७ जनामा कोरोना परीक्षण गर्दा १८९ मा सङ्क्रमण पुष्टि भएको जनाइएको छ । यससँगै सक्रिय सङ्क्रमित सङ्ख्या नेपालमा पाँच हजार ४२८ पुगेको छ ।

यस्तै, पछिल्लो समय थप २५० जना कोरोनाबाट निको भएर घर फर्किएका छन् । यससँगै निको  हुनेको सङ्ख्या आठ लाख आठ हजार ८ हजार ६०३ पुगेको छ । निको हुने दर ९७.९ प्रतिशत रहेको मन्त्रालयले जनाएको छ ।

यसैगरी, पछिल्लो २४ घण्टामा कोरोनाबाट थप २ जनाको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५७२ पुगेको छ ।

त्यसैगरी पछिल्लो समय एक लाख ११ हजार ९३८ जनाले कोरोना भाइरसविरुद्धको खोप लगाएका छन् ।