काठमाडौं । पछिल्लो २४ घण्टामा थप ३९३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज ९,३२९ जनामा परीक्षण गर्दा ३९३ जनामा संक्रमण पुष्टि भएको हो ।

यसअघि हिजो १२,४९८ जनामा परीक्षण गर्दा ३२६ जनामा संक्रमण पुष्टि भएको थियो । हिजोको तुलनामा आज संक्रमितको संख्या केही बढेको मन्त्रालयले जनाएको छ।

यस्तै, पछिल्लो २४ घण्टामा २६३ जना संक्रमणमुक्त भएका छन् ।

यसैगरी, मंगलबार कोरोनाका कारण ३ जनाको मृत्यु भएको छ । योसँगै  नेपालमा कोरोना संक्रमणबाट मृत्यु हुनेको संख्या ११ हजार ६०१ पुगेको छ।

हाल देशभर ५,०९४ जना कोरोना भाइरसका सक्रिय संक्रमित रहेका छन्।