काठमाडौं । पछिल्ल्लो २४ घण्टामा १ हजार ४४६ जनामा कोरोना भाइरस संक्रमण पुष्टि भएको छ। यो संख्या गत असोज महिना यताकै धेरै हो ।
स्वास्थ्य तथा जनसंख्या मन्त्रालयका अनुसार आज देशभरमा ११ हजार ४२९ नमूना परीक्षण गर्दा १४ सय ४६ जनामा संक्रमण पुष्टि भएको हो । जसमा पिसिआर परीक्षणबाट १ हजार ३५७ र एन्टिजेन परीक्षणबाट ८९ जनामा संक्रमण पुष्टि भएको मन्त्रालयको तथ्यांकमा उल्लेख छ ।
यसअघि हिजो ११६७ जनामा संक्रमण पुष्टि भएको थियो । यस्तै, पछिल्लो २४ घण्टामा २५५ जना संक्रमणमुक्त भएका छन् । यसअघि हिजो २२४ जना डिस्चार्ज भएका थिए।
यसैगरी, आज सोमबार कोभिड–१९ को सङ्क्रमणबाट थप २ जनाको मृत्यु भएको छ । योसंगै हालसम्म कोरोनाबाट ज्यान गुमाउनेको संख्या ११ हजार ६०६ पुगेको छ।
हाल देशभर ६,८५५ जना कोरोना भाइरसका सक्रिय संक्रमित रहेका छन्।
Leave a Reply