काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री शेरबहादुर देउवालाई भेट्न बालुवाटार पुगेका छन् ।

प्रधानमन्त्रीको सचिवालयले दिएको जानकारी अनुसार अहिले देउवा र प्रचण्डबीच भेटवार्ता भइरहेको छ । उनीहरुबीच स्थानीय तहको निर्वाचन, एमसीसी लगायतका विषयमा छलफल भइरहेको सचिवालयको भनाइ छ।

निर्वाचन आयोगले जेठ ४ गते स्थानीय तहको निर्वाचन गर्न सिफारिस गरेसँगै भएको भेटमा गठबन्धनलाई थप मजबुत बनाउने बिषयमा छलफल भएको बुझिएको छ।

पछिल्लो समय एमसीसीको विषयलाई लिएर सत्ता गठबन्धन दलहरूका बीचमा मतभेद छ । भेटवार्तामा यस बिषयमा पनि कुराकानी हुने बताइएको छ ।