काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री शेरबहादुर देउवालाई भेटेर फर्किएका छन्।

बिहीबार संसद् बैठक बस्नु अगाडि कांग्रेसबाहेकका सत्ता गठबन्धनका तीन दलको बैठकपश्चात प्रचण्ड बालुवाटार गएका थिए । भेटमा प्रचण्डले देउवालाई यथास्थितिमा एमसीसी अनुमोदन गर्न नसकिने बताएको स्रोतको भनाइ छ ।

‘एमसीसी संसद्‍मा टेबल भइहाल्यो। अब अनुमोदन गर्न हतार नगरौं,’ प्रचण्डको भनाइ उधृत गर्दै स्रोतले भन्यो। गठबन्धनभित्र कांग्रेस जसरी पनि एमसीसी अनुमोदन गरी अघि बढ्ने पक्षमा छ ।

यता, माओवादी केन्द्र, नेकपा एकीकृत समाजवादी तत्काल सम्झौता अनुमोदनको पक्षमा देखिएका छैनन्। संसद बैठक अहिले दिउँसो १ बजे बस्दैछ। अहिले कार्यव्यवस्था परामर्श समितिको बैठक जारी रहेको छ ।