काठमाडौं । लोक सेवा आयोगले रोकिएका परीक्षाहरु फागुन ६ गतदेखि सुरु गर्ने भएको छ ।

कोरोना भाइरसको संक्रमण बढेपछि स्थगित भएका परीक्षा फागुन ६ गतेदेखि सञ्चालन गर्ने आयोगले निर्णय गरेको हो ।

आज बसेको आयोगको बैठकले रोकिएका सबै परीक्षा सञ्चालन गर्ने निर्णय गरेको हो । आयोगले यसअघि माघ ६ गत सूचना जारी गर्दै अर्को व्यवस्था नभए सम्मका लागि परीक्षाहरु स्थगित गरिएको जानकारी दिएको थियो ।

आयोगले फागुन ६ गतेदेखि उपसचिवका लिखित परीक्षाहरु सुरु हुने जानकारी दिएको छ। लिखित परीक्षा सञ्चालन गर्दा सरकारले तोकेका स्वास्थ्य सुरक्षाका मापदण्डको पूर्ण पालना गरिने आयोगले जनाएको छ ।

सूचना हेर्नुहोस् :