काठमाडौँ । प्रहरीले अवैध २२.८ ग्राम लागूऔषध ब्राउन सुगरसहित काठमाडौँबाट तीन जना युवकलाई पक्राउ गरेको छ।

पक्राउ पर्नेहरुमा भोजुपुर घर भइ तारकेश्वर-११ बस्ने तेञ्जिङ्ग शेर्पा, कंचनपुर भीमदत्त घर भइ काठमाडौँ बुढानिलकण्ठ नगरपालिका-१० कपन बस्ने २७ बर्षीय खगेस खत्री र कपननै बस्ने २२ बर्षीय पासाङ छिरिङ शेर्पा रहेका छन्।

सोमबार अपरान्ह  करिब ४ बजेको समयमा गोप्य सूचनाको आधारमा महानगरीय प्रहरी प्रभाग कपनबाट खटिएको प्रहरी अधिकृतसहितको टोलीले कपनस्थित आकाशेधाराबाट उनीहरुलाई पक्राउ गरेको हो ,

उनीहरुको साथबाट ब्राउन सुगर जस्तो देखिने २२.८ ग्राम धुलो पदार्थ, मोबाइल फोनहरु समेत  बरामद गरिएको प्रहरीको भनाइ छ।

पक्राउ परेकाहरुमाथि महानगरीय प्रहरी बृत्त बौद्दबाट थप अनुसन्धान भइरहेको प्रहरीले जनाएको छ।