काठमाडौं । देशभर पछिल्लो २४ घण्टामा ४३७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज शुक्रबार ५ हजार १३३ पीसीआर परीक्षणमा २७५ जना र ३ हजार ९५८ एन्टिजेन परीक्षणमा १६२ जना गरी ४३७ जनामा संक्रमण पुष्टि भएको हो।
यस्तै, पछिल्लो २४ घण्टामा कोरोना संक्रमणका कारण २ जनाले ज्यान गुमाएका छन् । योसँगै नेपालमा हालसम्म कोरोना संक्रमणबाट ज्यान गुमाउनेको संख्या ११ हजार ९१३ पुगेको छ।
यसैगरी आज २ हजार ४५४ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमित संख्या १४ हजार ४३५ रहेको छ ।
यसअघि हिजो विहीबार ५७० जनामा संक्रमण पुष्टि हुँदा ६ जनाको मृत्यु भएको थियो ।
Leave a Reply