काठमाडौं । नेपाल र जिम्बावे ‘ए’बीचको एकदिवसीय सिरिजको पहिलो खेलमा नेपाली टोली टस हारेर ब्याटिङमा उत्रिएको छ । कीर्तिपुरस्थित टीयू क्रिकेट मैदानमा खेल साढे ९ बजेदेखि सुरु भएको हो ।

नेपाल भ्रमणका क्रममा रहेको जिम्बावे ‘ए’सँगको तीन खेलको टी २० सिरिजपछि आजबाट तीन खेलको एकदिवशीय अभ्यास सिरिज सुरु हुन लागेको हो ।

तीन खेलको टी-२० शृंखलापछि यी दुई टोली एकदिवसीय खेल खेल्न लागेका हुन् । तीन खेलको टी-२० शृंखलामा दुवैले एक-एक खेल जित्दै शृंखला बराबरी गरेका थिए । एक खेल भने वर्षाका कारण रद्द भएको थियो ।

एकदिवसीय खेलका लागि नेपाली टिममा केही परिवर्तन समेत गरिएको छ । कप्तान सन्दिप लामिछानेसँगै स्पीनरद्वय सागर ढकाल र सुशन भारी पहिलो रोजाइमा खेल्दैछन् ।

नेपाली टिम

कुशल भुर्तेल, मोहम्मद आशिफ शेख, मोहम्मद आरिफ शेख, दीपेन्द्रसिंह ऐरी, रोहित कुमार पौडेल, मोहम्मद आदिल आलम, सोमपाल कामी, करण केसी, सन्दीप लामिछाने, शुसन भारी, सागर ढकाल