काठमाडौं । बर्दियामा शक्तिशाली हावाहुरीका कारण रुख ढलेर थिच्दा १२ वर्षीय बालकको मृत्यु भएको छ ।

शनिबार साँझ मधुवन ७ का अमृत थापाको मृत्यु भएको प्रहरीले जनाएको छ । मृतक थापाको शव पोस्टमार्टमका लागि जिल्ला अस्पताल गुलरिया ल्याइए छ ।

प्रहरीका अनुसार बाख्रा चराउन गएका थापा हावाहुरी आएपछि सुरक्षित स्थानको खोजीमा एउटा घर नजिकै पुगेका थिए । तर उक्त घर छेउको आँपको रुख ढलेर उनलाई थिचेको थियो ।

यस्तै हावाहुरीले गर्दा दर्जनौं घरका छाना उडाउनुका साथै ठूलो संख्यामा रुख ढलेको जिल्ला प्रहरी कार्यालय बर्दियाले जनाएको छ ।