महोत्तरी । महोत्तरीमा आठ वर्षीय भतिजीलाई करणी गरेको आरोपमा आफ्नै काका पक्राउ परेका छन् ।

बर्दिबास नगरपालिका बस्ने बालिकाको परिवारले दिएको किटानी जाहेरीको आधारमा प्रहरीले उनलाई पक्राउ गरेको हो ।

उनीमाथि यही साउन १० गते राति १० बजे भतिजीलाई आफ्नो कोठामा बोलाई जबरजस्ती करणीको गरेको आरोप लागेको छ । पक्राउ परेका काकाको नाम भने प्रहरीले गोप्य राखेको छ ।

२४ वर्षीया आरोपितलाई इलाका प्रहरी कार्यालय बर्दिबासले हिरासतमा राखेको छ । उनलाई जबरजस्ती करणी मुद्दामा जिल्ला अदालतबाट पाँच दिनको म्याद थप गरिएको छ । उनीमाथि थप अनुसन्धान भइरहेको प्रहरीले जनाएको छ ।