एजेन्सी । बलिउड अभिनेत्री तब्बु बुधबार आफ्नो आगामी चलचित्र भोलाको सुटिङको क्रममा घाइते भएकी छन् ।

भोलामा तब्बुले उच्च प्रहरी अफिसरको भूमिका निर्वाह गरेकी छिन् । एउटा दृश्यमा एक्सन गर्दा उनलाई चोट लागेको हो ।

तब्बु हैदरावादको भोलाको एक दृश्यका लागि जङ्गलमा ट्रक चलाइरहेकी थिइन् । मोटरसाइकलमा केही गुण्डाहरू उनको पछि लागिरहेका हुन्छन् ।

सो क्रममा ट्रकसँग मोटरसाइकल ठोक्किएको थियो । तब्बुलाई चोट लागेपछि फिल्मका निर्देशक अजय देवगनले भोलाको सेटबाट उनलाई डिस्चार्ज गरेका छन् । भोला साउथको फिल्म कैथीको हिन्दी रिमेक हो ।