काठमाडौं । प्रधानन्यायाधीश चोलेन्द्र शम्शेर राणामाथि लगाइएको महाभियोग छानबिन गर्न गठित सिफारिस समितिका बैठक बस्दैछ ।

दिउँसो ३ बजे सिंहदरबार स्थित कानुन न्याय तथा मानव अधिकार समितिको हलमा बैठक बस्न लागेको हो ।

आजको बैठकमा महाभियोग माथिको छानबिन कसरी टुङ्ग्याउने, संसद् सचिवालयले बनाएको कार्यविधिलाई स्वीकृत गर्ने एजेन्डा रहेको जनाइएको छ ।

समितिले अब समय तालिका बनाएर महाभियोग माथि छानबिन कार्य अघि बढाउने तयारी गर्दैछ । महाभियोग सिफारिस समितिको आन्तरिक कार्यविधि २०७९ तयार भइसकेको छ ।