एजेन्सी । ब्राजिलमा एक जना राजनीतिक नेताले प्रहरीमाथि ग्रिनेड प्रहार गरेका छन् ।
ब्राजिलको रियो डे जेनेरियो सहरबाट उत्तरमा पर्ने लेभी गास्पारियान क्षेत्रमा दक्षिणपन्थी राजनीतिक नेता रोबेर्टो जेफर्सनले ग्रिनेड प्रहार गरेको हुन् ।
ग्रिनेड प्रहारबाट दुई जना प्रहरी घाइते भएका छन् । घरमा पक्राउ गर्न आएका प्रहरीमाथि उनले ग्रिनेड प्रहार गरेका हुन् । उनले ग्रिनेडसँगै राइफलबाट गोली पनि प्रहार गरेको जनाइएको छ ।
उनले प्रहार गरेको गोली लागेर प्रहरीको सवारीमा क्षति पुगेको छ । पछि उनले प्रहरीसमक्ष आत्मसमर्पण गरेका थिए । यसअघि ब्राजिलको सर्वोच्च अदालतले उनलाई पक्राउ गर्न आदेश दिएको थियो ।
प्रधानन्यायाधीश कारमेन लुसियालाई धम्की दिएको र उनको बेइज्जत गरेको आरोपमा उनलाई पक्राउ गर्न आदेश दिइएको थियो ।
Leave a Reply