कैलाली । नेपाल परिवार दलमा केन्द्रीय अध्यक्ष एकनाथ ढकालले अहिलेको परमादेशी सरकारलाई हटाउन नेकपा एमालेसँग गठबन्धन गर्नु परेको बताएका छन् ।

आइतबार धनगढीमा आयोजित प्रत्रकार भेटघाट कार्यक्रममा बोल्दै उनले यस्तो बताएका हुन् । उनले परमादेशी सरकारलाई हटाउन र समृद्ध नेपाल सुखी नेपालीको नारालाई साकार गर्न गठबन्धन गर्नु परेको बताए ।

उनले नेपाल परिवार दलको मतले मात्र सदनमा जान नसक्ने अवस्था भएपछि मत खेर जान नदिन पनि गठबन्धन गरेको बताए । एमालेसँगको तालमेल चुनावी मात्र नभई पाँच वर्ष अगाडिको भएको उनको भनाई छ ।

यस्तै अध्यक्ष ढकालले एमाले ठुलो पार्टी भएकाले सिट बाँडफाँडमा तलमाथि भएको बताए । उनले भने ‘एमाले ठुलो पार्टी भएकाले प्रत्यक्षतर्फ चुनाव लड्न पाइएन नत्र मेरो प्रत्यक्षतर्फ लड्ने चाहाना हो ।’ एमालेको तर्फबाट उनी प्रतिनिधि सभातर्फ समानुपातिक सूचीको पहिलो नम्बरमा छन् ।