मकवानपुर । नेपाली कांग्रेसकी केन्द्रीय सहमहामन्त्री तथा मकवानपुर क्षेत्र नम्बर १ को प्रतिनिधि सभा सदस्य पदका उम्मेदवार महालक्ष्मी उपाध्याय ‘डिना’ले आफू सपना र आश्वासन छर्न नआएको बताएकी छिन् ।

चुनावी अभियान अन्तर्गत आइतबार मकवानपुरगढी संयुक्त चुनावी सभालाई सम्बोधन गर्दै उनले आफू सपना र आश्वासन छर्न नभई जिल्लाको समग्र विकास गर्न प्रत्यक्ष तर्फ उम्मेदवार भएर बताएकी हुन् ।

आफू सांसद मात्रै हुनका लागि उम्मेदवार भएको नभइ जनतासँग सुखदुःखमा रहने र जिल्लाको विकास र समृद्धिका लागि काम गर्ने योजनाका साथ आएको उनले बताइन् ।

उनले पटक पटक सांसद र मन्त्री हुँदा पनि केही नगर्नेहरूले अहिले पनि नारा र सपना मात्र बाँडिरहेको समेत जिकिर गरिन् ।