सिन्धुपाल्चोक । सिन्धुपाल्चोक–२ मा नेपाली कांग्रेसका मोहनबहादुर बस्नेत निर्वाचित भएका छन् ।

उनले नेकपा एमालेका शेरबहादुर तामाङलाई ११ हजार ८७४ मतान्तरले पराजित गरेका हुन् ।

कांग्रेसका बस्नेतले ३९ हजार तीन सय ६७ मत ल्याए । एमालेका तामाङले २७ हजार चार सय ९३ मत पाए ।

सिन्धुपाल्चोक–२ मा कांग्रेसले पहिलोपटक जित निकालेको हो । एमालेका तामाङले यसअघि २०७० र २०७४ सालमा यस क्षेत्रबाट निर्वाचित भएका थिए । यसपटक भने उनी ह्याट्रिक जित निकाल्नबाट चुके ।