काठमाडौं । नेपालका राष्ट्रिय क्रिकेट टिमका प्रशिक्षक मनोज प्रभाकरले पद छाड्ने अनुमान गरिएको छ ।

विश्वकप लिग २ अन्तर्गत नामिबिया सिरिजमा सबै खेलमा पराजय भोगेपछि प्रभाकरले पद छाड्ने अनुमान गरिएको हो ।

प्रशिक्षक प्रभाकर सोमबार बिहान भारत फर्किएका छन् । स्रोतका अनुसार प्रभाकर अब नेपालको जिम्मेवारीमा फर्कने सम्भावना कम छ ।

नामिबियामा भएको नामिबिया‚ स्कटल्याण्ड र नेपाल सम्मिलित त्रिकोणात्मक सिरिजमा नेपालले एउटा खेलबाहेक सबै खेल हारेको थियो ।

एउटा खेल भने पानी परेर रोकिँदा नेपालले १ अंक पाएको थियो। प्रशिक्षक प्रभाकरले नै पनि लामो समय नेपाली टिमको प्रशिक्षक रहन नचाहेका ले अब राष्ट्रिय टिम छाड्ने अनुमान गरिएको छ ।

विश्वकप लिग–२ मा नामिबियामा नेपाली टोलीको प्रदर्शनबारे नेपाल क्रिकेट संघका महाप्रवन्धक वृतान्त खनाल र म्यानेजर विनोद दासले क्यानलाई प्रशिक्षक प्रभाकरका बारेमा ‘रिभ्यु’ गर्नुपर्ने प्रतिवेदन बुझाएका थिए ।