काठमाडौं । विराटनगर सुपर किंग्सले नेपाल टी–२० लिगको दोस्रो क्वालिफायरमा जनकपुर रोयल्सलाई फाइनलमा पुग्न १ सय ६८ रनको प्रतिस्पर्धात्मक लक्ष्य दिएको छ ।
टियु मैदानमा टस जितेर पहिले ब्याटिङ गरेको विराटनगरले २० ओभरमा ६ विकेट गुमाएर १ सय ६७ रन बनाएको हो।
विराटनगरका लागि गौरान्शु शर्मा ४२ रनमा आउट हुँदा अर्जुन साउदले ३५ रन बनाए । राज नाननले ३३ रन बनाउँदा हुसेन तलत ३१ रनमा आउट भए ।
अमरसिंह राउटेलाले छक्का हान्दै पहिलो ईनिङ सकेका थिए ।
जनकपुरका लागि जितेन्द्र मुखियाले २ तथा सोमपाल कामी,सरफुदिन असरफ,ललित नारायण राजवंशी र शमीउल्लाह शिनवारीले समान १/१ विकेट लिए ।
दोस्रो क्वालिफारमा पहिलो क्वालिफाईनमा पराजित जनकपुरले इलिमिनेटर खेलको विजेता विराटनगरसँग खेलिरहेको छ ।
यस खेलको बिजेताले फाईनलमा स्थान बनाउँने छ । पराजित हुने टोली भने प्रतियोगिताबाट बाहिरिने छ ।
Leave a Reply