काठमाडौं । एसिसी प्रिमियर कपअन्तर्गत नेपाल र युएईबीच कीर्तिपुर मैदानमा उपाधिका लागि प्रतिस्पर्धा भइरहेको छ।

नेपालले टस जितेर पहिले फिल्डिङ गर्ने निर्णय गरेसँगै युएईले ब्याटिङ गरिरहेको छ । जसअन्तर्गत यूएईविरुद्ध नेपालले उत्कृष्ट सुरुवात गरेको छ ।

त्रिवि क्रिकेट मैदानमा टस जितेर पहिले बलिङ रोजेको नेपालले ५ ओभर नखेल्दै यूएईका महत्वपूर्ण २ विकेट लिएको छ।

नेपालका लागि सोमपाल कामीले महत्वपूर्ण पहिलो विकेट लिए । सोमपालले यूएईका कप्तान मुहम्मद वसीमलाई आउट गरेका छन्।

तेस्रो ओभरको पहिलो बलमा सोमपालले ललित राजवंशीबाट वसीमलाई क्याचआउट गराए। ८ बलको सामना गरेका वसीम ११ रन बनाएर आउट भए।

वसीमपछि क्रिजमा आएका वृत्य अरविन्द ८ रनमा आउट भए। चौथो ओभरको पाँचौं बलमा करण केसीले अरविन्दलाई आसिफ शेखबाट क्याचआउट गराए ।