धनगढी । ठूलो मात्रामा विस्फोटक पदार्थसहित एक भारतीय नागरिक पक्राउ परेका छन्।
सशस्त्र प्रहरी सीमा सुरक्षा बलको टोलीले कैलालीको सीमावर्ती कैलारी गाउँपालिका-३, खोम्पुर घाटबाट २९ किलो ५० ग्राम विस्फोटक पदार्थ बारुद बरामद गरेको हो।
भारतको लखिमपुर चन्दनचौकीका ४२ वर्षीय शिवा गुप्ता साइकलमा उक्त विष्फोटक पदार्थ ल्याइरहेको अवस्थामा बरामद गरिएको थियो ।
सीमा सुरक्षा गुल्म खोम्पुरबाट खटिएको टोलीले उक्त विष्फोटक पदार्थसहित गुप्तालाई पक्राउ गरेको सशस्त्र प्रहरी बल ३४ नम्बर गणले जनाएको छ ।
पक्राउ परेका गुप्तालाई कारबाहीका लागि जिल्ला प्रहरी कार्यालय कैलालीको जिम्मा लगाइएको छ।
गुप्ताले उक्त विष्फोटक पदार्थ कुन प्रयोजनका लागि ल्याएका हुन भन्ने खुलेको छैन।
Leave a Reply